ලා ඉරෙන් ඉල්ලා රම්‍ය ගී මාලා

ලා ඉරෙන් ඉල්ලා රම්‍ය ගී මාලා

සීතලේ පින්නේ පීදිලා

මාලතී සේනා මල් ලන්දේ ගම් මැද්දේ

තාම මට සුවඳයි සේ එදා

මාල ගිරවුන්නේ අතු පතරේ හැංගී

බාල වසුපැටියෝ නාඬන්නේ

නීල රළ රැල්ලේ මුතුලැල්ලේ පාවෙලා

මා කෙසේ ඉන්දෝ ඉතින් අනේ

අම්මේ ඔබ තුරුලෙන් වෙන් වෙලා

යන්නේ සිත ඔබ ළඟ රඳවලා

මා රෑ සිහිනෙන් සෑමදා

ගම් පියසේ ගී ගයා

ඔබ නින්දෙන් ඇහැරවා

සැඟැවී යන්නේ

ලා ඉරෙන් ඉල්ලා රම්‍ය ගී මාලා

සීතලේ පින්නේ පීදිලා

මාලතී සේනා මල් ලන්දේ ගම් මැද්දේ

තාම මට සුවඳයි සේ එදා

නාඬන් දූ ගැන කඳුලැල් සලා

සීනෙන් ඈ ඔබ ළඟමයි සදා

මා එනතුරු හෙට ගම් බලා

අම්මා ඇත මග බලා

සියොතුනි නොරැඳී කැලේ

ඈ සනසන්නේ

නීලා වික්‍රමසිංහ

?????

නිමල් මෙන්ඩිස්

කොයිද කියා මන්ද කියා

කොයිද කියා මන්ද කියා
නොදැන ආවෙමි
දිවි ගමනේ මගේ එළිය
සොඳුර ඔබ විනී

පෙමෙහි රසත් එහි ඵලයත්
ඔබෙන් උගතිමී
දිවි හිමියෙන් හද බැතියෙන්
ඔබට පින් දෙමී

කොයිද කියා මන්ද කියා
නොදැන ආවෙමි
දිවි ගමනේ මගේ එළිය
සොඳුර ඔබ විනී

නොතිර ලොවේ විරහ දුකේ
අඳුර හිමි විනී
මරු කතරේ සුළඟ ලෙසේ
තනිව පිට වෙමී

චාර්ල්ස් ‍තෝමස් සහෝදර තුමා
කාලෝ ෆොන්සේකා
?????

ආරාධනා

ආරාධනා ආරාධනා
ජීවිතයේ තනි මංසල අතරමං වෙලා
හුදෙකලාව සුසුම් හෙලන හදවත සනහා
අතීතයේ ගිලිහී ගිය සතුට රැගෙන යලි වඩින්න
ආරාධනා ආරාධනා

නෙලූ සුපෙම් කැටයම් හද පවුරැ තලාවේ
මැකී ගියාදෝ කාලයේ වෙරළේ
ජීවිතයේ දිගු ගමනින් අනාත වූ දා
සෙනේහයේ සත් පියුමන් යළිදු පිපේවා
ආරාධනා ආරාධනා
 
එදා සිඟිති කිරි සුවඳින් යුග දිවි අරණේ
ඔබේ උණුසුමේ යළිදු උපන්නෙම්
බිඳුණු එවන් රජ දහනින් සමු ගෙන යනදා
ඔබේ නුවන් පහනින් යළි එළිය ලැබේවා
ආරාධනා ආරාධනා
 
අමරදේව
කුලරත්න ආරියවංශ
රෝහණ වීරසිංහ
('ආරාධනා' චිත්‍රපටයෙන්)

හිරු අවරට යන සැන්දෑ යාමේ

හිරු අවරට යන සැන්දෑ යාමේ

මතක පොතේ පිටු තුළට වැදී

සොඳුරු හැඟුම් උණු කඳුළු බිඳක් වී

නෙතගින් රූරා ගලා බසී

මුදුඟිල්ලට රන් පැහැයක් එක්කර

දෑඟිලි හුයකින් වෙලා තියා

මා හද අරණේ පිපුන පැතුම් මල්

වසන්තයට පෙර පරව ගියා

බොඳ කර රෑ දුටු සුන්දර සිහිනය

දුරු රටකට ඔබ වෙන්ව ගියා

මංගල යහනේ ආදර තිලකය

කඳුලින් පමණක් ඇඳී ගියා

නන්දා මාලිනී, පුෂ්ප කරුණාරත්න
විපුලසිරි කෝට්ටේගොඩ
පුෂ්ප කරුණාරත්න

පාවේ වළා ඈත කඳු බලා

පාවේ වළා ඈත කඳු බලා

පෑ ආදරේ අමා

මා හද මවා

මා හද මවා

කඳුලැල්ලෙන් හසරැල්ලෙන්

සිහින මැවෙනවා

ජීවිතයේ මිහිරි සුවේ

මහද නැගෙනවා

ආලෝකෙ විහිදා සංකා නැසේ

සුසුම් රැල් නැතේ නුවන් දිය සිඳේ

පහන් පෙම දිනේ

හාදව පෙම් බැන්ද රුවින්

පාළුව මැකුනා

ආදර ලොව අන්ධ නොවේ

දෙහදක නැගෙනා

දෑසේ මැවේ ආදරේ මල් හිනා

තුටින් පිරි ලොවේ සහන් එළි නැගේ

පහන් පෙම දිනේ

වික්ටර් රත්නායක

?????

?????

පන්ති නැති ඉස්කෝලෙ බිඳලා

පන්ති නැති ඉස්කෝලෙ බිඳලා
ජීවිතේ ගැන එපා ටියුෂන්
හෝඩියට ආදරේ අරගෙන
ආයෙමත් එනවාද දුයිෂෙන් 
ආයෙමත් එනවාද දුයිෂෙන් 

ගුරුතුමනි ඔබ නො එන දවසක
වෘක රෑනක් ඇවිත් මෙබිමට 
වසන්තය ගෙන ගියා ගොදුරට
ඔබේ ආදර පුංචි සිසුවිය
බළල් පැටියා තුරුලු කරගෙන 
අඬනවා හැමදාම හවසට
අඬනවා හැමදාම හවසට

ඇගේ හිත කියවන්න දන්නේ
ඔබම පමණයි ගුරුතුමානනි
හෝඩියම දන්නැති වුණත් ඔබ
හෝඩියම දන්නැති වුණත් ඔබ

සැඳෑ සුළඟේ සැලී වැලපෙන
අතක පොප්ලර් තුරක ශෝකය
කවුරු නම් හඳුනයිද ඔබ මිස
මේ මහා තණ බිමේ සැඟවුන 
ඔබේ උත්තම නොකී ප්‍රේමය
සසල කරවයි ලොවේ හදවත

හිම කුණාටුව දෙබෑ කරගෙන 
අස්සයා නැතිනම් පයින් වත්
සහතිකයි ඔබ නැවත එන වග
සහතිකයි ඔබ නැවත එන වග
සහතිකයි ඔබ නැවත එන වග

පන්ති නැති ඉස්කෝලෙ බිඳලා
ජීවිතේ ගැන එපා ටියුෂන්
හෝඩියට ආදරේ අරගෙන
ආයෙමත් එනවාද දුයිෂෙන් 
ආයෙමත් එනවාද දුයිෂෙන්

සමන් ලෙනින් 
රජී වසන්ත වෙල්ගම 
දර්ශන රුවන් දිසානායක

නිය පෙළ සිඳලයි දෑත පාන්නේ

නිය පෙළ සිඳලයි දෑත පාන්නේ
තුරුලට ගන්නට ආදරයෙන්
දැලිපත සිඳලයි කොපුල පාන්නේ
මුව සිප ගන්නට ආදරයෙන්

මව් නැති යාමේ මා උර මඬලේ
දෙතොල් හොවයි කිරි සුවඳ සොයා
දහදිය සුවඳක් දැනුනිද පුතුනේ
දෙරණට මුහු වන නුඹ වෙනුවෙන්

නිදි නැති යාමේ මා ලය තුරුලේ
කැළුම් ගෙනෙයි මුදු සිනහ පපා
උණුසුම් සුසුමක් දැනුනිද පුතුනේ
පවනට මුහු වන නුඹ වෙනුවෙන්‍

වික්ටර් රත්නායක
?????
?????

සංසාරේ එක මොහොතක් නැවතිලා

සංසාරේ එක මොහොතක් නැවතිලා
කල්පයක් ගෙවුනු හදවත ගොළු වෙලා
ලොවම සසල විය ලොවම නිසල විය
ඔබේ නීල නෙතු රැහැනේ දැවටිලා
වසන්තයේ පෙම් කුළුඳුල් කැකුළු පිපීලා
පෙම් කැකුළු පිපීලා

එක මොහොතද සංසාරේ මා නැවතුනේ
පුරා කල්පයක් ගෙවුනිද හද ගොළු වෙලා
මුවින් නොකී බස නුවන් අගින් බැස 
ඔබේ නීල නෙතු රැහැනේ දැවටිලා
වසන්තයේ පෙම් කුළුඳුල් කැකුළු පිපීලා
පෙම් කැකුළු පිපීලා

සංසාරේ එක මොහොතක් නැවතිලා
කල්පයක් ගෙවුනු හදවත ගොළු වෙලා
ලොවම සසල විය ලොවම නිසල විය
ඔබේ නීල නෙතු රැහැනේ දැවටිලා
වසන්තයේ පෙම් කුළුඳුල් කැකුළු පිපීලා
පෙම් කැකුළු පිපීලා

අමරදේව
?????
?????

මේ වසන්තය ගෙවී යන්නට ළඟයි

මේ වසන්තය ගෙවී යන්නට ළඟයි
ඔබ පිපී හිනැහුනේ අවසාන දවසකයි
හිඳුණු ජීවිත පතුල හාරා
නුඹට දෙන්නට සෙනෙහෙ දිය බිඳුවක්
සොයමි මම තවමත්

පෙමට සරි වුණ බැලුම් ඇති මුත්
බලනු කෙලෙසද අඳුරු වූ දෑසින්
යනෙනු බෑ නුඹෙ දෑත අරගෙන
නොවේ කාලය නුඹ සිතන මනරම්

කියූවද නුඹ ජීවිතේ ගැන
මිහිරි සැමරුම් හුරු සසර මතකෙන්
නොවී හිනු මැන මගේ සොඳුරිය
ඉදුණු හිසකේ සිනාසෙයි රහසින්

කරුණාරත්න දිවුල්ගනේ
බණ්ඩාර බෙලිකැටමුල්ල
දර්ශන වික්‍රමතුංග

හදන්නට වැහි බිංදුවක්

හදන්නට වැහි බිංදුවක්
පොළොව ගහකොළ විඳි දුකක්
දන්නවා නම් තෙමෙනවා ඔබ
මහා වැස්සේ කල්පයක්

ඔබ සොයා ගෙන ආ දුරක්
වින්ද අපමණ දුක් කඳක්
දන්නවා නම් යන්නෙ නෑ ඔබ
මා දමා මේ හැටි දුරක්

නෙතට නිදි නැති රැය දුකක්
ඉසිඹුවක් නොලදිමි පැයක්
ඔබව හිත ළඟ බලා ගත් හැටි
දන්නෙ නෑ ලොව කවුරුවත්

කරුණාරත්න දිවුල්ගනේ
නාරද විජේසූරිය
රෝහණ ධර්මකීර්ති

යාළුයි අපි යාළුයි

යාළුයි අපි යාළුයි

යාළුයි අපි යාළුයි
හැමදාමත් යාළුයි
එක ඉත්තක එකට පිපුණු පුංචි යාළුවෝ
යාළුයි අපි යාළුයි

සුදු වැල්ලේ පිය සටහන් අපි කාගෙත් එක වාගෙයි
දුවන පනින හෙවණැල්ලත් අපි කාගෙත් එක වාගෙයි
සුදුත් එකයි කළුත් එකයි ඉරත් හඳත් අපෙයි අපෙයි
ඉරත් හඳත් අපෙයි අපෙයි

යාළුයි අපි යාළුයි
හැමදාමත් යාළුයි
එක ඉත්තක එකට පිපුණු පුංචි යාළුවෝ
යාළුයි අපි යාළුයි

මහ මුහුදයි නිල් අහසයි කැලෑ රොදයි කුරුල්ලනුයි
මල් සුවඳයි වලාකුළයි අපිත් එක්ක යාළු වෙලා
සුදුත් එකයි කළුත් එකයි ඉරත් හඳත් අපෙයි අපෙයි
ඉරත් හඳත් අපෙයි අපෙයි

යාළුයි අපි යාළුයි
හැමදාමත් යාළුයි
එක ඉත්තක එකට පිපුණු පුංචි යාළුවෝ
යාළුයි අපි යාළුයි

සුදු වැල්ලේ පිය සටහන් අපි කාගෙත් එක වාගෙයි
දුවන පනින හෙවණැල්ලත් අපි කාගෙත් එක වාගෙයි
සුදුත් එකයි කළුත් එකයි ඉරත් හඳත් අපෙයි අපෙයි
ඉරත් හඳත් අපෙයි අපෙයි

යාළුයි අපි යාළුයි
හැමදාමත් යාළුයි
එක ඉත්තක එකට පිපුණු පුංචි යාළුවෝ
යාළුයි අපි යාළුයි

?????
?????
?????

දිය ගොඩ හැම තැනැ කිරි ඉතිරේ (හඳපානේ රෑ යාමේ)

දිය ගොඩ හැම තැනැ කිරි ඉතිරේ
ගස් වැල් කිරි මුහුදේ කිමිදේ
මද මුදු සුළඟින් අප නැලැවෙන්නේ
බැබැළෙන හඳපානේ
හඳපානේ හඳපානේ හඳපානේ රෑ යාමේ

මගෙ පොඩි නංගී කිරි ඉල්ලා
දෝත නගා මහ ඉහළ බලා
අම්බිලියෝ කියමින් නැලැවෙන්නේ
බැබැළෙන හඳපානේ
හඳපානේ හඳපානේ හඳපානේ රෑ යාමේ

දිය මතු පිට කිරි ‍රැල්ල නැගේ
ඔරුවෙක් තනිවී ඈත පෙනේ
හෝ ගා මුහුදේ ‍රැල්ල බි‍ඳෙන්නේ
බැබැළෙන හඳපානේ
හඳපානේ හඳපානේ හඳපානේ රෑ යාමේ

වවුලන්ගේ බකමූණන්ගේ
නාදේ ඉඳහිට මටද ඇසේ
අඳුර සොයාලා මුළුගැන්නෙන්නා
බැබැළෙන හඳපානේ
හඳපානේ හඳපානේ හඳපානේ රෑ යාමේ

සුනිල් ශාන්ත
?????
සුනිල් ශාන්ත

දස්කොන් සකිසඳ (දෙවන ගීතය)

දස්කොන් සකිසඳ ඉක්මන් ගමනින් නො එනා ගමනකි යන්නේ
එනමුත් ළඳුනේ මතු අත් භවයේ ඔබ මා යලි හමු වන්නේ

සියොළඟ හිමි ළඟ හදවත මා ළඟ
කෙලෙසද හද බැඳ ලන්නේ
කවුදෝ ‍රැකවල් ලන්නේ
ඔබ මා යලි හමු වන්නේ

මිය යමි මනු ලොව හමු වෙමි පෙම් ලොව
ලොව්තුරු සුව  වළඳින්නේ
කිසිදා නැත හමු වන්නේ
ඔබ මා යලි හමු වන්නේ

අමරදේව, නීලා වික්‍රමසිංහ
සුනිල් ආරියරත්න
අමරදේව

දස්කොන් සකිසඳ (පළමු ගීතය)

දස්කොන් සකිසඳ ඉක්මන් ගමනින් නො එනා ගමනකි යන්නේ
සක්මන් මළුවේ බැඳි පෙම් තොරණේ මල් දම් ගිලිහී යන්නේ

සියොළඟ හිමි ළඟ හදවත ඔබ ළඟ සිත යන යන තැන එන්නේ
සියොළඟ හිමි ළඟ හදවත ඔබ ළඟ සිත යන යන තැන එන්නේ
මතු දා ඔබ හමු වන්නේ
මතු දා ඔබ හමු වන්නේ
මතු දා ඔබ හමු වන්නේ

ඔබ ළඟ නැතිමුත් ඔබගේ සුවඳයි පවනේ පාවී එන්නේ
ඔබ ළඟ නැතිමුත් ඔබගේ සුවඳයි පවනේ පාවී එන්නේ
සයනේ සැඟැවී ඉන්නේ
සයනේ සැඟැවී ඉන්නේ
සයනේ සැඟැවී ඉන්නේ

නීලා වික්‍රමසිංහ
සුනිල් ආරියරත්න
අමරදේව

සළෙල පහසින් කිළිටි වූ රෑ

සළෙල පහසින් කිළිටි වූ රෑ
යහන වැතිරුණ දුක් සුසුම්
දයාවේ නෙතු ඉමෙන් වැළහී
අම්බපාලිය මිදුණු මළ පුඩුවේ බැඳුනිදෝ
කිකිළියේ
රන් කිකිළියේ

සිනා පඬු ගෑ දෙතොල සිර කළ
ඉවුරු බිඳ හල කඳුළු මහ වැහි
ගොදුරු ලොබ බැඳ සරන මුව වැදි
මළ පුඩුව මත් නිදි වරාදෝ
නෙත පුරා රත ගෑවුණේ
කිකිළියේ
රන් කිකිළියේ

පිණිදියෙන් මුව දොවා මල්කැන්
නියත විවරණ ලබන උදයක
පර මලක්දෝ රෑ කුමාරී
මල් වැලින් බිම වැටී වැළපෙන
ජීවිතේ රොන් සුවඳ ඉහිරී
කිකිළියේ
රන් කිකිළියේ

ඉමාන් පෙරේරා
වත්තේවැවේ ධම්මානන්ද හිමි
රංජිත් සුදර්මන්
ගීතය අසා රස විඳින්න

අහසින් බසින් සඳ මඬලින් බසින්

අහසින් බසින් සඳ මඬලින් බසින්
මිනිසුන් මැද පුතුනේ මිහි මඬලේ ඉඳින්
කඳුළු සුසුම් විඳ මුවහත් වෙමින්
රට වෙනුවෙන් දැය වෙනුවෙන් නොසැලී ඉඳින්

සුපසන් නොවේ ලොව නුඹ මේ උපන්
නුවණින් වැඩී ලොව සුපසන් කරන්
විරුවන් ලෙසින් රුදු රණ බිම් මැදින්
නුඹගේ ගමන් මග ඉදිවේ බලන්

දෙවියන් නොවේ නිති අසලින් ඔබේ
දිරියෙන් ගතේ ඉ‍ටු දෙවියන් මැවේ
ජය පැන් වඩන් දහදිය වැල් වලින්
නුඹගේය ඒ නව ලොව පුංචී පුතුන්

නන්දා මාලිනී
?????
?????
ගීතය අසා රස විඳින්න

ජීවිතය නම් කිමැයි කියා දෙන්නේ ඔබයි

ජීවිතය නම් කිමැයි කියා දෙන්නේ ඔබයි
අනුන් සෙට උදෙසා තමන් සුව නොතකා
දිවිය කැපකල උතුම් මිනිසුනි
මිනිස්කම නම් කිමැයි කියාදෙන්නේ ඔබයි

ඉසුරු සුව රස පහස හැරදා
ක‍ටුක දුක රුපු ගැහැට වළඳා
සියල් සත වෙත පතල කුළුණින්
ලොව පහන් පියසක් කරන්නට
ජීවිතය පුද දුන්
ඒ උතුම් මිනිසුන්

පෙලෙන සිත් තුළ නැගෙන සුසුමන්
දැවෙන නෙත් අග කෙවෙන කඳුලැල්
දැනී කම්පිත සිතින් නැගෙමින්
මිනිස් මහිමය හෙළි කරන්නට
ඥානනය ලැබ දුන්
ඒ උතුම් මිනිසුන්

සුනිල් එදිරිසිංහ
?????
?????
ගීතය අසා රස විඳින්න

පාසලින් මග දකින හොඳම දරුවා මමයි

මගේ සිත තැන්පත්ය තැන්පත්ය තැන්පත්ය
මගේ සිත පිවිතුරුය සන්සුන්ය තැන්පත්ය

ආදරය කරුණාව දයා උතුරා ගලන
මා සිතෙහි ශිල්ප හා ගුණ දහම්  ඇත ‍රැඳී
ගුරු දෙගුරු හිත මිතුරු හා අවට සියලු දෙන
මා හැදෙන හැටි බලා සිටිති ආදරයකින්

මගේ සිත තැන්පත්ය තැන්පත්ය තැන්පත්ය
මගේ සිත පිවිතුරුය සන්සුන්ය තැන්පත්ය

පරිසරය මා රකී රකිමි මම පරිසරය
ලෝකයට බර නොවී වැඩ පිණිස මම හැදෙමි
වාසනාවන්ත වූ අනාගතයක් කරා
පාසලින් මග දකින හොඳම දරුවා මමයි
පාසලින් මග දකින හොඳම දරුවා මමයි
පාසලින් මග දකින හොඳම දරුවා මමයි

නාලිනී රණසිංහ
සමරවීර වීරවන්නි
ආනන්ද ජයසිංහගීතය අසා රස විඳින්න

සිරි සමනොළ සිරසින් මුදුන් වන දහසක් අපගේ ප්‍රාර්ථනා

සිරි සමනොළ සිරසින් මුදුන් වන
දහසක් අපගේ ප්‍රාර්ථනා
මහාවැලිය මහ ගඟ උතුරා යන
සුවිපුල් නිවහල් ප්‍රාර්ථනා

අලුත් ඉරෙන් මුළු රටට උදා වන
අමයුරු සුමියුරු ප්‍රාර්ථනා
යව්වනියන්ගේ හද තුළ නලියන
ආදරයේ රස ප්‍රාර්ථනා
ප්‍රාර්ථනා ප්‍රාර්ථනා
ආදරයේ රස ප්‍රාර්ථනා

මල් ගොමුවට බිඟු මිණි දැල් බන්දා
පිපී පිපී එන ප්‍රාර්ථනා
ගෙන් ගෙට යා වන බිළිඳු සිනාවෙන්
දිව එන සුරතල් ප්‍රාර්ථනා
ප්‍රාර්ථනා ප්‍රාර්ථනා
දිව එන සුරතල් ප්‍රාර්ථනා

අමරදේව ඇතුළු පිරිස
?????
????? 
 ගීතය අසා රසවිඳින්න

සසර වසන තුරු

සසර වසන තුරු
නිවන් දකින තුරු
පින් කෙත හෙළ රන් දෙරණේ
යළි උපදින්නට
හේතු වාසනා වේවා
හේතු වාසනා

රත්නමාලි සෑ කිරණයි මහ බෝ සෙවණයි
තිසා වැවයි සීගිරියයි මගේ උරුමයයි

සසර වසන තුරු
නිවන් දකින තුරු
පින් කෙත හෙළ රන් දෙරණේ
යළි උපදින්නට
හේතු වාසනා වේවා
හේතු වාසනා

අමරදේව
????
අමරදේව 
 ගීතය අසා රසවිඳින්න