මුදු සිහින ඇසේ තැවරෙයි

මුදු සිහින ඇසේ තැවරෙයි
ඇස් වහන්නෙපා තරහින්
මගෙ කිරිල්ලියේ බලපන්
ඉර සිනා අරන් ඇවිදින්

සුදු පුළුන් පොදින් පෙඳලූ
මුදු සුමුදු යහන් නැතුවට
අතු පතර සැපයි අහසේ
තරු පොකුරු හිඳියි තනියට
දුක් කඳුළු මැදින් බැලුවම
ජීවිතේ බරයි වැඩියෙන්

පෙර වගේ නැමී සවනට
මුමුනන්න ගීත නැතුවට
පොඩි පැටව් හිඳී සොඳුරේ
මුතු කුරුළු සිනා ඉසුමට
දුක ඇවිත් හොරෙන් එබුනම
නුඹ සිනාවෙයන් වැඩියෙන්

අනුරාධ අබයසිංහ
රුවිනි සුලෝචනා රූපසිංහ
මංජුල පද්මසිරි