මේං අපේ ඉස්කෝලේ

මේං අපේ ඉස්කෝලේ
රාං රුවයි ‍රැස් මාලේ
රෑන් පිටින් අපි ආවේ
පාන් වැටක සිරියාවේ

වැස්සට ගඟ ආවත් පන්ති වලට
අව්වට ඉර වැ‍ටුණත් හිස් මුදුනට
වෙඩි පිට වෙඩි ඇහුණත් පැයෙන් පැයට
අපි ආදරෙයි අපේ ඉස්කෝලෙට

කුඹුරේ වැඩ තිබුණත් යලට මහට
එනවා හැමදාමත් පන්ති වලට
ඩෙස් පු‍ටු බංකු නැතත් ඉඳ ගන්නට
අපි ආදරෙයි අපේ ඉස්කෝලෙට

ලස්සන සාරි නැතත් ටීචර්ලට
මූණට එළිය ඇවිත් පිං පාටට
කැන්දන් යන්න අපිව හෙට ලෝකෙට
අපි ආදරෙයි අපේ ඉස්කෝලෙට

ප්‍රදීපා ධර්මදාස
?????
????? 
 ගීතය අසා රස විඳින්න

ශ්‍රී සම්බුද්ධ රාජා වඳිම්

ශ්‍රී සම්බුද්ධ රාජා වඳිම්
මා සෑසී තිලෝනා වඳිම්
හද පුදසුන් සදා එහි බැති මල් පුදා
මා සෑසී තිලෝනා වඳිම්
ශ්‍රී සම්බුද්ධ රාජා වඳිම්

අංගුලීමාල නාලාගිරී
ලෝ සතුන් රාග පාපෙන් පිරී
අදමි පවිටන් දැමූ දම් අමාවෙන් තෙමූ
දම් රදාණන් වඳිම් සෑමදා

සිව් සැකී සත් කෙළක් දුක දරා
සිව් සුවේ පස් මරුන් මන් අරා
පාරමී දම් පුරා බුදු වූ ලොව් තුරා
දම් රදාණන් වඳිම් සිත්පුරා

මුල් සෙවූ වේදනා සාදනා
ඉන් මිදෙවු සේක මේ ලෝ දනා
අන්ධකාරේ නැසූ මිහිරි සදහම් දෙසූ
ලෝ පියාණන් වඳිම් සෑමදා
මා සෑසී තිලෝනා වඳිම්

සුජාතා අත්තනායක
ප්‍රේමනාත් ජයතිලක
?????
ගීතය අසා රස විඳින්න

උත්සාහය උක් දණ්ඩක් වැන්නේ

උත්සාහය උක් දණ්ඩක් වැන්නේ
වැළඳූ පසුවයි මිහිර දැනෙන්නේ
එහි රසයෙන් සිත සැනසී යන්නේ
අලස කටේ දිව එය නැහැ දන්නේ

පැනයක් දු‍ටු කල එය විසඳන්නා
එඩිතර සිතකින් එය පිළිගන්නා
එලෙස නොකර සකි ඉවත දුවන්නා
පැනය විසින් මහ වහලකු වන්නා

අපට කුමටද ගොස් නොරට සිඟන්නේ
අපේ ඉසුරු මව් පොළොවෙ තැවෙන්නේ
ඒවා ඉල්ලා වෙහෙස වෙයන්නේ
එවිට නොවේදෝ නොවහල් වන්නේ

සිංහල පාරක ගමන් නොගත්තේ
සිංහල පැදුරක නිදා නොගත්තේ
සිංහල ගඟ දිය සිහිල නොදත්තේ
එවන් කෙනෙකුගේ කුමක්ද තත්ත්වේ

චන්ද්‍රිකා සිරිවර්ධන
?????
????? 
 ගීතය අසා රස විඳින්න

වනස්පති වෙවී වනයට

වනස්පති වෙවී වනයට
සියක් කල් වසක් පසු කොට
දරා කිත් යසස් අපමණ හිඳිනු බෑ සකී
මිණි කිරුළ බිඳ නැගී වනපෙත
දමා බිම කැඩුණු අසිපත
දිනක් එනු ඇතී මල් බර වසන්තය සැදී

ස‍ඳෙන් සඳ ගෙවී මහළුව දිරා යන රුවන් සිහසුන
අරා හිස වදුල මුව මුතු පබළු වැල් බැඳී
පතා යළි කිරුළ නව නළු රසින් රස බිඳී

විලක් සේ පිරෙන ගුණ නැණ ගඟක් වී ගලා යන දින
පැතුම් පෙති දෙපෙති වී මග බලාගෙන හිඳී
පිපෙයි යව්වනය සියපත සියක් වී බැඳී

කරුණාරත්න විජේවර්ධන
කුමාර ලියනගේ
කරුණාරත්න විජේවර්ධන
 ගීතය අසා රස විඳින්න

තුන් තුඹ මල්

තුන් තුඹ මල් තුඹ මල්
තුන් තුඹ මල් තුඹ මල්
තුන් තුඹ මල් තුඹ මල්
තුන් තුඹ මල් තුඹ මල්

තුන් තුඹ මල් රෙද්ද ඇඳල
බණ්ඩි වළලු දෑත දමාලා
මම දොර ළඟ බලා ඉන්නවා
අනේ තාම ආවෙ නැහැනෙ
ආවෙ නැහැනෙ ආවෙ නැහැනෙ
මල් දුන්නෙන් වඩින ඉලන්දාරියා

තුන් තුඹ මල් තුඹ මල්
තුන් තුඹ මල් තුඹ මල්
තුන් තුඹ මල් රෙද්ද ඇඳල
බණ්ඩි වළලු දෑත දමාලා

ගෙදරට එන පාර කිව්ව
පණිවිඩ හත අටක් යැව්ව
අනේ තාම ආවෙ නැහැනෙ
ආවෙ නැහැනෙ ආවෙ නැහැනෙ
මල් දුන්නෙන් වඩින ඉලන්දාරියා

තුන් තුඹ මල් තුඹ මල්
තුන් තුඹ මල් තුඹ මල්
තුන් තුඹ මල් රෙද්ද ඇඳල
බණ්ඩි වළලු දෑත දමාලා

රටක් වටින කෙනෙක් එක්ක
මටත් හනික දීග යන්ඩ
උදව් දෙන්ඩ ආවෙ නැහැනෙ
ආවෙ නැහැනෙ ආවෙ නැහැනෙ
මල් දුන්නෙන් වඩින ඉලන්දාරියා

චන්ද්‍රානි ගුණවර්ධන
?????
????? 
ගීතය අසා රස විඳින්න

කිරි අම්මාවරු දනට වඩිනවා

කිරි අම්මාවරු දනට වඩිනවා
කිරි සුවඳයි මුළු ගම්මානේ
අම්මා ඇයි ඒ දනට නොයන්නේ
නො අසන් පුතනුවනේ
මා සිත රිදෙන නිසා

නෙත නිදි වරමින් කැත කුණු අතගා
මම නුඹ හැදුවෙමි දුක් විඳලා
එනමුදු කුසයේ හොවමින් බිහිකර
ඇඟ ලේ කිරි කර නැත පොවලා

නුඹගෙන් දරු සුරතල් බැලුවා මිස
මව් පදවිය නැත මා පතලා
මතු භවයේ මා දනට වඩින්නම්
නුඹ බිහි කර කිරි මව වීලා

චන්ද්‍රලේඛා පෙරේරා
?????
????? 
ගීතය අසා රස විඳින්න

පෝය සඳේ සඳ කිරණින්

බුද්ධ ධර්මය අවබෝධ කරත්වා
පංච ශීලය සැවොම රකිත්වා
කිසිවෙක් කිසිවෙකුට වෛර නොකරත්වා
දැහැමින් සාමයෙන් ලෝකය පවතීවා 

පෝය සඳේ සඳ කිරණින් ලොවේ අඳුර දුරු වේවා
හදේ නැගෙන සිල් සුවඳින් පවේ දුගඳ වැනසේවා

සසර මහා කතර මැදින් අමා ගඟුල බිහිවේවා
අමා ගඟේ ගං වතුරින් සසර කතර සරුවේවා
ඒ කතරේ සොම්නස් මල් පොකුරු පොකුරු පිබිදේවා
පිබිදෙන මල් පොකුරු වලින් සාම සුවඳ විහිදේවා

සතර වටින් නැගෙන මහා රණ ගී හඬ නෑසේවා
ඒ රණ ගී හඬ පරදා සාම ගීත පැතිරේවා
කරුණා මෙත් සලිල ගලා ලෝ දහමින් නැහැවේවා
දැවෙන තැවෙන හැම හදවත් ඒ සලිලෙන් සැනසේවා

කඳනාරච්චි සොහොයුරන්
?????
?????
ගීතය අසා රස විඳින්න