මා නෙත් කැදැල්ලේ

මා නෙත් කැදැල්ලේ
සැතපීලා නිදැල්ලේ
දැවටී රන්දැලේ
හද පුරා සැනසිලා

ආයෙත් ඉගිල්ලී
පියඹාලා පිපාසෙන්
නොසරා මල් කැලේ
රොන් සොයාලා

බඹර තුඩු ගා නැතී
කුමුදු මලකින් පෙතී
ගෙනෙමි දුර ඈත විලකින් බලා
ඒ මැද ඔබෙ යහන සාදන්නෙ නාදල්ලෙනී
සුවඳ උලා

අරුණ පිනි බිංදුවයි
පියුමෙ මකරන්දයයි
පොවමි මේකුළක කලතා නිවා
ඉන් මතු කිසිදාක යන්නෙහිද හද රන් ලෙනේ
පහන නිවා

මිල්ටන් මල්ලවාරච්චි
කරුණාරත්න අබේසේකර
?????
ගීතය අසා රස විඳින්න

වස්තුව ඉල්ලන කාශ්‍යප පුතුනේ

වස්තුව ඉල්ලන කාශ්‍යප පුතුනේ
ඇයි හදවත රිදවන්නේ
ඇස් දෙක වාගෙයි මුගලන් සහ නුඹ
පිය රජු සෙවනේ උන්නේ

බලන්න දෙටු පුත මේ දිය තලයම
කෙත් වතු සාර කරන්නේ
මට ඇති වස්තුව මත ඇති සම්පත
මේ නිල් දිය කඳ වන්නේ

හිටුවා පස් ගස්වා මා මැරුමට
කවුරුද පුතු සිත බින්දේ
මා මළ පසු පුත මිහිදන් කළ මැන
කලා වැවේ වැව් කන්දේ
මගේ කලා වැව සදා රකිනු මැන
අවුකන පිළිම සමින්දේ

ඇන්ටන් රුද්‍රිගු
?????
?????
 ගීතය අසා රස විඳින්න

මා වවුලන් රෑ පුරාම

මා වවුලන් රෑ පුරාම රංචු ගැසීලා
මී ගස් යට මී වැහි වැහැලා
බාලේ මෙන් පාන්දරින් ඇහිඳින්නට යන්නට බෑ
මට තනියක් දැනෙනවා

දරට ගිහින් කුරුඳු කැලේ මග වැරදීලා
මං එනතුරු හඬා වැටෙද්දී
නුඹට දැනුණු පාළුව දුක මෙදා මටයි මලේ
නුඹ නැතිදා මට තනිකම දැනෙනවා

පැදුරු කොටේ තුරුළු වෙලා ගොම්මන් යාමේ
හොල්මන් ගැන කතා කියද්දී
මගේ ඇඟේ දැවටීගෙන අසා උන්නු මලේ
නුඹ නැතිදා මට තනිකම දැනෙනවා

අමරදේව
කුලරත්න ආරියවංශ
රෝහණ වීරසිංහ
 ගීතය අසා රස විඳින්න

ගෙල වට බැන්දා වූ මුතු පොටේ

ගෙල වට බැන්දා වූ මුතු පොටේ 
දිස්නෙට මුහුණේහි ඔප වැටේ
ඔසරි නෙරියට නළල් තිලකෙට
බැන්ද සිටු පෙම් ආනන්ද වේ

කෝකිල සංදේශ කවි පොතේ
ඔය වැනි උපමා ද තව ඇතේ
රුවැති ළඳකට තනිව මග තොට
යන්න නිදහස දැන් නෑ වගේ

කාගේ කවුරුද ඉන්නේ කොතැනද
නෑ අපි අඳුනන්නේ
ආගන්තුක අපි ආවම කඳුරට
නැතුවද පිළිගන්නේ

කෝකිල සංදේශ කවි පොතේ…..
ගෙලවට බැන්දා වූ මුතු පොටේ…..

සෙංකඩගලපුර පෝදා සඳ මෙනි
මේ මුතු මැණිකේලා
දළදා සමිඳුන් වැඩ හිඳිනා බිම
නෑ හොඳ නෑ ඕවා

ගෙලවට බැන්දා වූ මුතු පොටේ…..
කෝකිල සංදේශ කවි පොතේ…..

ප්‍රියා සූරියසේන, නිරංජලා සරෝජිනී
අජන්තා රණසිංහ
ප්‍රියා සූරියසේන
 ගීතය අසා රස විඳින්න

හිත මනමාල කම් කරයි

හිත මනමාල කම් කරයි
සිතිවිලි සීතලෙන් ගැහෙයි
අඳුරේ නුහුර සැරි සරයි
ගී කිරිල්ලියේ
උණුසුම් පියාපතක අඩුව මට දැනෙයි

ලේ කැටි සීතලෙන් මිදෙයි
තනිකම් දොසින් ආතුරයි
රෑ යම රෝෂයෙන් පිරෙයි
ගී කිරිල්ලියේ
උණුසුම් පියාපතක අඩුව මට දැනෙයි

වැලපෙන මූද හරි සැරයි
සුළඟට හාදු අමතකයි
නිදි නැති හීන ඇස හරියි
ගී කිරිල්ලියේ
උණුසුම් පියාපතක සුවඳ මට දැනෙයි

සමන්ත පෙරේරා
නිලර් එන්. කාසිම්
සමන්ත පෙරේරා
 ගීතය අසා රස විඳින්න

සුබ ලකුණු බල බලා

සුබ ලකුණු බල බලා ඉරගල වැටෙන ඉම තුරා
හෙමිහිට ඇවිද ගියේ තනිකම් දොසින් නේද
මිහිකත බාර දෙවියනේ
පෝයෙන් පෝය ගෙවෙන්නේ

දොරකඩ හීන විසිරයේ
මගෙ හද අගුළු හැර තියේ
යහනට නිදි ගෙනෙන්න
රැය අඳුරින් මුදන්න
කවදා කවුරුද එන්නේ

තනිකම් නපුර පරදවා
අණ වින දෝස හැර දමා
අඳුරට එළිය දෙන්න
සිහිනය රැගෙන එන්න
කවදා කවුරුද එන්නේ

නිරෝෂා විරාජිනී
නිලාර් එන්. කාසිම්
රෝහණ වීරසිංහ
 ගීතය අසා රස විඳින්න

අමා දහර දිය ගලා ගලා

අමා දහර දිය ගලා ගලා
තුරු ලතා තුළින් මල් පියලි සලා
ජය හඬින් ලොවට සිහ නද පතුරා
ලෝ සත අතරින් ජනිත වුණා
අමා දහර දිය ගලා ගලා
තුරු ලතා තුළින් මල් පියලි සලා

සැපෙහී කිමීදී දුකෙහි ගැලීලා
මැදුම් පිළිවෙතින් අමා සුව ලබා
දහම් සුවඳ මල් දසතම පතුරා
සියලු කෙලෙස් මැඩ බුදු වූවා
අමා දහර දිය ගලා ගලා
තුරු ලතා තුළින් මල් පියලි සලා

ජීවිතයේ ඇති නොනිමි අතිර බව
ලොවට පැතුරු කරුණාවේ අම ගුණ
සියලු සතුන් වෙත දහම් රස පෙවූ
කරුණාබර නෙත් නිවී ගියා
අමා දහර දිය ගලා ගලා
තුරු ලතා තුළින් මල් පියලි සලා

වික්ටර් රත්නායක
?????
?????
 ගීතය අසා රස විඳින්න