බෝ පතක් වැටෙන සේ
නුඹ වැටී ලෙඩ ඇඳේ
නිසොල්මනේ ඇයි අම්මේ
පෙරහැරක් වගේ සිටි
කොඩි වැලක් වගේ නැගි
දූ පුතුන් කොහේ අම්මේ
මුතු පබළු අතේ නැත
සවි බලද හිතේ නැත
තනිකමද හිතින් දැරුවේ
කිරි සුවඳ හමා ගිය
මහ ගෙදර පාළු බව
මව් සුවඳ වසා පැතිරේ
සිල් සුවඳ පිරූ සිත
ගුණ සුවඳ දැනේ මට
පන්සලක් වගේ අම්මේ
සා දුකින් පෙලෙන සඳ
කිරි පොවා කඳුළු හෙලු
නුඹ නිවන් දකින් අම්මේ
අජන්තා නාකන්දල
රඹුකන සිද්ධාර්ථ හිමි
?????
ගීතය අසා රස විඳින්න
සුන් රස ගීත ගොරතර හඩින් දෙකන් විඩාවට පත් කරනකොට,හෙළ ගීතයේ අරුත් රසය වෙනුවෙන් නුඹ දරන ප්‍රයත්නයට ආසිරි!...
ReplyDelete