Thursday, August 27, 2009

තුට කළ ලෙවන්

තුට කළ ලෙවන් ගුණ නැණ රුවිනි නෙක ලෙද
ඉට කල අරුත් පුවතර මා නෝන සඳ
රට තුළ සිරින් අවුරුදු මගුල් විය සොඳ
මට තුළ සතොස් නැත නුඹ නාවොතින් අද

උස්සා කර බැලුවෙ දුටුදා සිට නෙතට
උත්සා කරන වගකුත් නෑ පෙනෙන්නට
මැස්සා ඉගිලුනා වැනි ගියෙ ගේ තුළට
ඇස්වා වදිනවද දුටුවම මුහුණ මට

වතාවත් සඳෙව් නෙත් දෙක නිලුපුල්ලා
ඇතා යුග ගමන යයි වටපිට බලලා
ඉතා රතු ලියක් කහවත්තෙදි දැකලා
කතා නොකර ආවෙමි සරණය පතලා

පුන් සඳ දෝ මිදුලේ කර කැවෙන්නේ
රන් බඳ දෝ ගෙයි ඇඳ පිට නිදන්නේ
රන් කොල දෝ ඔය ළමයා ගොතන්නේ
පින් මදි දෝ මා ලං කර නොගන්නේ

එඩ්වඩ් ජයකොඩි
දයානන්ද ගුණවර්ධන
රෝහණ බැද්දගේ
(ගජමන් පුවත වේදිකා නාට්‍යයෙන්)

 ගීතය අසා රස විඳින්න

දොයි දොයිය පුතා දොයි දොයි

දොයි දොයිය පුතා දොයි දොයි
දොයි දොයිය පුතා දොයි දොයි

දොයි දොයිය පුතා
 
මගෙ පුතුට කොකුම්
පිනි දියර සඳුන්
සඳ දෙවිඳු ගෙනත් දෙනවා
රස සිහින ගලා ගෙන එයි

දොයි දොයිය පුතා දොයි දොයි
දොයි දොයිය පුතා දොයි දොයි

දොයි දොයිය පුතා

හෙළ වීර පුතුන්
යුද වැදුණු කලට
කඩු සමග සුර
ත් ලෙලදෙයි
නද අහස් තලේ පැතිරෙයි

දොයි දොයිය පුතා දොයි දොයි
දොයි දොයිය පුතා දොයි දොයි

දොයි දොයිය පුතා

රුක්මණි දේවි
ශ්‍රී චන්ද්‍රරත්න මානවසිංහ
?????
(දෛවයෝගය චිත්‍රපටයෙන්)

 ගීතය අසා රස විඳින්න

දරු දුක උහුලා

දරු දුක උහුලා
තනිව වැළපෙනා
බුදු බව ලබනා
පියවරු වෙසෙනා
පූජා
පූජා වේවා

මහ මෙර වැනි බර සිතින් උහුලනා
කඳුළැලි සමුදුර නෙතින් සඟවනා
දරු දුක උහුලා
තනිව වැළපෙනා
බුදු බව ලබනා
පියවරු වෙසෙනා
පූජා
පූජා වේවා

මව් ඇතිදාටත් සෙනෙහස පුදලා
මව් නැතිදාටත් තුරුලේ රකිනා
සසර ගෙවෙන තුරු දරුවන් රකිනා
බුදු බව ලබනා
පියවරු වෙසෙනා
පූජා
පූජා වේවා

අමරදේව
ධර්මසිරි ගමගේ
ප්‍රේමසිරි කේමදාස
(පූජා චිත්‍රපටයෙන්)
 ගීතය අසා රස විඳින්න

Sunday, August 23, 2009

සොඳුර මට සමු දෙන්න

සොඳුර මට සමු දෙන්න සමු දෙන්න
සොඳුර මට සමු දෙන්න සමු දෙන්න
ඈත ගමේ සරු පස පෙරලන්නට
මම යනවා අද උදෑසනේ
සොඳුර මට සමු දෙන්න සමු දෙන්න

ගමේ තුරු හිස් අතර පාවී
සවන වැකෙනා කුරුළු ගීතය
ඔබේ මුදු පිය වදන් වාගේ
නිවාලනු මැන මගේ සරතැස

අස්වනු පිදී කරලින් බරවී
මුළු රට ඉතිරේ ජය පානේ
ඉර හඳ පායන වසන්තයේ
අපි බොමු මංගල මධු පානේ

ඩී. ඩී. ගුණසේන
සමන් චන්ද්‍රනාත් වීරසිංහ
ප්‍රේමසිරි කේමදාස

 ගීතය අසා රස විඳින්න

ආත්ම ගණනක සිතුවිලි අතරේ

ආත්ම ගණනක සිතුවිලි අතරේ
මා ඔබ සෙව්වා නෑ දුටුවේ
අප දෙ අතක දෙදෙනෙකු වීලා
නැහැ නොව කිසිදා මුසුවන්නේ

සඳවත පායන රෑ කල අහසේ
කැලතී කැලතී සිත් යහනේ
මහද ඇඳෙන්නේ ඒ ඔබෙ රූපෙද
පාළුව තනිකම පටලාලා

මිනිසත් භාවය මා නොලදී නම්
පියඹා එනවා සුවඳ දිගේ
ඒ එන පාරේ විඩා නිවාලන
සීතල පවනද ඔබෙ ප්‍රේමේ

ශ්‍රීමතී තිලකරත්න
?????
?????

ගීතය අසා රස විඳින්න

Saturday, August 22, 2009

බෝ මළුවේ මල් සුවඳක පැටලී

බෝ මළුවේ මල් සුවඳක පැටලී
අම්මා පෙව් කිරි සුවඳ ගලා එන්නේ
සුපුරුදු උණුහුමකට සිත ඈඳී
ගේ දොර සෙල්ලම් පිටිය මතක් වෙන්නේ
දං බෝවිටියා කැලේ මැදින්
එන්න හිතයි නුඹ ළඟට සැණින්

එතෙර කරන්නම් හතර වරිගයම
සංසාරේ යන මේ ගමනේ
චුට්ටක් සෙල්ලම් කරලා එන්නද
පුරුදු යහළුවන් හා සැණිනේ
එහෙම ගියත් ඒ අය පොඩි සාදූ
කියා කියන විට වැඳ වැටිලා
කොහොමද අම්මේ ඔට්ටු දුවන්නේ
වෙල් ඉපනැල්ලේ පැන නටලා

භවයෙන් භවයේ පෙරුම් පුරා මම
බවුන් වඩා උපදින වාරේ
දිනයක මතුදා හතර වරිගයම
එතෙර කරන්නම් සංසාරේ
ඉන් පසු ඇවිදින් අම්මේ ඔබ ළඟ
ඉන්නම් කිරි සුවඳේ එතිලා
කොහොමද අම්මේ එහෙම කරන්නේ
අම්මත් සසරින් එතෙර වෙලා

සනත් නන්දසිරි
ප්‍රණීත් අභයසුන්දර
සනත් නන්දසිරි

ගීතය අසා රස විඳින්න

ළමා වියේ කිරි සුවඳ ගියේ නැති

ළමා වියේ කිරි සුවඳ ගියේ නැති ළමා වියේදී
කසාවතක් හැඳ පොඩි හාමුදුරුවො පුංචිම කාලේ
තනියම හිතිලද මහණ වුණේ

සසර පුරුද්දක් හිතේ තියෙන්නැති
පෙර සංසාරේ පින් කරලා ඇති
පොඩි හාමුදුරුවො පුංචිම කාලේ
තනියම හිතිලද මහණ වුණේ

පොඩි හාමුදුරුවො වාගේ සුරතල්
පුංචි ළමුන්ගේ කෙළි සෙල්ලම් දැක
සන්සුන් ගමනින් කොහෙද වඩින්නේ
සෙල්ලම් පිට්ටනි පසු කරලා

මාලනී බුලත්සිංහල
රඹුකන සිද්ධාර්ථ හිමි
එච්. එම්. ජයවර්ධන

 ගීතය අසා රස විඳින්න

Tuesday, August 18, 2009

චූටී මගෙ දුව චූටී

චූටී... චූටී...
චූටී මගෙ දුව චූටී
ඔන්න අම්ම යන්න හදන්නේ
චූටි විහිළුවක් කරලා චූටි තොත්තුවක් දීලා
චූටි විහිළුවක් කරලා චූටි තොත්තුවක් දීලා
අම්මට දුව යන්න කියන්න
බලන්න ඔය චූටි මූණ
හැන්දැ නොවී එන්න කියන්න
අම්මට දුව යන්න කියන්න

චූටි කාලෙ මටත් චූටි කිව්ව මගේ අම්මා
ඒ කියන්නෙ චූටිගෙ ලොකු අම්මා
හබුං කවන වෙලාවේදි
විහාර මහ දේවී ගැන කියලා දේවී
මිරිස් සැරයි කියලා හෙම අහක බලා ගත්තෝතින්
ලොකු අම්මා ඒ කතාව කියල නොදේවී

හැන්දෑවට මං ආවම චුටි එක්ක මිදුලේ
මල් පඳුරේ මම හැංගිලා ඉන්නම්
කුරුල්ලො එන වෙලාවේදි
අද අර පොඩි චූටික්කා ඒවී
ඒ ආවම චූටිට හැංගිල සෙල්ලම් කරන්න
චූටික්කව මම චූටිට අල්ලල දෙන්නම්

අමරා රණතුංග
?????
?????

ගීතය අසා රස විඳින්න

නීල වර්ණ නීල කොබෙයියෝ

නීල වර්ණ නීල කොබෙයියෝ
මං ආදර නීල වර්ණ නීල කොබෙයියෝ
සිත වටකර පියා සලන
සිතට සුවඳ පවන් සලන
නීල වර්ණ නීල කොබෙයියෝ

උඩින් ගියත් බිමින් ගියත්
මගේ හිතෙන් ඉගිළ නොයන්නේ
අඳුර බිඳෙන සොඳුරු සිහින
කිඳුරු ලොවින් මවෙත ගෙනෙන්නේ

එරන් මාල එරන් තෝඩු
එරන් වළලු නැතේ පතන්නේ
අමාව සේ නිමා නොවන
සිනා බිඳක් රැගෙන වරෙන්නේ

ඉන්ද්‍රානි බෝගොඩ
?????
?????

 ගීතය අසා රස විඳින්න

රෑ වැඩ මුරය

රෑ වැඩ මුරය අවසන් වන කණිසමට
නුඹෙ මුව පෙනෙයි පරවුණු කුසුමක් ලෙසට
අරුණළු කැරලි වැටෙනා සඳ අළුයමට
නුඹේ ලොවට රෑ වෙයි පෙර කළ පවට

තුන් තිස් පැයේ දෑඟිලි නිදි වරන්නේ
නිල් එළියටයි පෙති ගෝමර දැවෙන්නේ
මල් විය නොවෙද මේ දිය කර හරින්නේ
මැසිම ද හිත ද මහ හයියෙන් හඬන්නේ

නුඹෙ කඳුළැලි ද සයුරේ රළ නගන්නේ
හද සුසුමන් ද පවනක් වී හමන්නේ
තනි නොතනියට හෙවණැල්ල ද සිටින්නේ
ඇඳුම ද නුඹේ ජීවිතය ද මහන්නේ

සුනිල් එදිරිසිංහ
බන්ධුල නානායක්කාරවසම්
රෝහණ වීරසිංහ

 ගීතය අසා රස විඳින්න

Saturday, August 15, 2009

පූජාසනයේ ඔබ හිඳුවා

පූජාසනයේ ඔබ හිඳුවා
ඔබට පුදන මේ ලෝකයමයි හෙට
ඔබට එරෙහි වී නැගිටින්නේ
පූජාසනයේ ඔබ හිඳුවා

ඉසුරින් කිත් යසසින් බබළනදා
ඔබගේ බැණුමත් ගීයක් වේ
ඉසුරින් කිත් යසසින් පිරිහුණුදා
සිනාසුණත් එය වරදක් වේ

කිරියෙන් පැණියෙන් උතුරා යන කල
ලොව ඔබ පාමුල හඬා වැටේ
අත මිට හිඟ වී බෙල සුන් වන කල
ලොව ඔබ හිස මත කඩා වැටේ

නන්දා මාලිනී
සුනිල් ආරියරත්න
?????

 ගීතය අසා රස විඳින්න

ඉස්සර විදියට දුව පැන යන එක

ඉස්සර විදියට දුව පැන යන එක
මතකද තහනම් කරපු දිනේ
සෙල්ලම් වයසට ඉන්නේ කොහොමද
කියන්න පොඩි හාමුදුරුවනේ

කරඹ කැලෑවට වවුලෝ ඇවිදින්
රෑ තුන් යම රජ මඟුල් කතී
පාළුව දැනුනම මෙරු රැළ තරහින්
වැලි මාළිග වට කුලල් කතී

රෑ කල තනි යහනේ සැතපෙන විට
දැනුණිද මවකගෙ සෙනෙහෙ ගුණේ
බුදු බණ එතකොට සිහියට එනවද
කියන්න පොඩි හාමුදුරුවනේ

එඩ්වඩ් ජයකොඩි
අමරසේන කංකානම්ගේ
?????

 ගීතය අසා රස විඳින්න

Friday, August 14, 2009

එන්න මදනලේ

එන්න මදනලේ ගොස් පවසන්න දුක මගේ
යන්නට හැකි ඔබට පමණි සිර ගෙයට ඇගේ
දිවා රැයේ වැලපිලා දෑස ඈගෙ රතු වෙලා
කියන්නකෝ මගෙ දුක ඇගෙ කණට ළං වෙලා
කියන්නකෝ මගෙ දුක ඇගෙ කණට ළං වෙලා
එන්න මදනලේ….. එන්න මදනලේ…..

ශෝක පණිවුඩය යවන්න ආදරිය බලා
කාලිදාස කිවිඳු මේඝ දූතයා කළා
මට කොයින්ද එම වළා ආමි සුළඟෙ ඔබ බලා
කියන්නකෝ මගෙ දුක ඇගෙ කණට ළං වෙලා

එන්න මදනලේ ගොස් පවසන්න දුක මගේ
යන්නට හැකි ඔබට පමණි සිර ගෙයට ඇගේ
දිවා රැයේ වැලපිලා දෑස ඈගෙ රතු වෙලා
කියන්නකෝ මගෙ දුක ඇගෙ කණට ළං වෙලා
කියන්නකෝ මගෙ දුක ඇගෙ කණට ළං වෙලා
එන්න මදනලේ….. එන්න මදනලේ…..

සංදේශයකින් යවන්න මෙදුක උන් අතේ
ආ….. ආ….. ආ…..
සංදේශයකින් යවන්න මෙදුක උන් අතේ
හංස ගිරා ළිහිණි කොවුල් කුරුල්ලන් නැතේ
සුළඟේ මා අසරණයි මට ඇති වස්තුව ඇයයි
කීවොත් මගෙ දුක සදහට ඔබට මා ණයයි
කීවොත් මගෙ දුක සදහට ඔබට මා ණයයි

එන්න මදනලේ ගොස් පවසන්න දුක මගේ
යන්නට හැකි ඔබට පමණි සිර ගෙයට ඇගේ
එන්න මදනලේ….. එන්න මදනලේ…..

තිලකසිරි ප්‍රනාන්දු
කරුණාරත්න අබේසේකර
?????

 ගීතය අසා රස විඳින්න

ගමට කලින් හිරු


ගමට කලින් හිරු මුළුතැන්ගෙට වඩනා
ඒ හිරු එළියේ නැණ මල් පොඩි පිපුණා
ඒ මල් සුවඳේ අද ලොව්තුරු සුව විඳිනා
කලා වැවේ නිල් දියවර අපෙ අම්මා

රෑ කළුවර අරගෙන දරුවන් එනතුරු
සිත නෑ නිවන් දකින්නේ
රෑ කළුවර ඇවිදින් ඉකිබිඳ හැඬුවත්
නෙත නෑ නිදි විඳ ගන්නේ
හෙට අරුණට සැරසෙන තව දවසක් ගැන
නින්දේ සිහින දකින්නේ
මහමායාවෙනි කවදාදෝ ඔය නෙත්
දරු සෙනෙහසින් මිදෙන්නේ

වෙල් දෙණි වල ඇවිදින දෙපා රිදෙන විට
විහඟ ගීත බණ පද වේවා
බෝ මළුවක ඇවිලෙන පහන් වැටක් සේ
තුන් සිත නිවී සැදේවා
මතු උපදින සසරේ විසාකාව වී
මෙත් මග නෙත් හමු වේවා
ඇත් රැජිණියනේ ඔබෙ නැලැවිළි ගීතය
ලොවම නිවන කවියක් වේවා

කරුණාරත්න දිවුල්ගනේ
සුනිල් දයානන්ද කෝනාර
සුනිල් දයානන්ද කෝනාර

 ගීතය අසා රස විඳින්න

Sunday, August 9, 2009

සෙනෙහස රන් සිංහාසන

සෙනෙහස රන් සිංහාසන හදේ මැවෙනවා
මතු සක්විති රජෙක් මගේ උකුලෙ නිදනවා

සුවඳ හැමූ යහන් ගැබේ සෙමෙර සලනවා
වෙසක් මහේ මලක් වගේ කුමරු නිදනවා
කිඹුල්වතින් එන පවනේ සුවය දැනෙනවා
පිනැති පුතුන් උපන් රටට ඉසුරු පිරෙනවා

මධු ගංගා දෙතොල් අතර හැපී බිඳෙන්නේ
රුවන් පුළුන් වළා විමන් මත දැවටෙන්නේ
පොකුරු පොකුරු මල් ගෙන සුර සේනා එන්නේ
මෙවන් සිහින් දැකලාදෝ පුතු හිනැහෙන්නේ

ත්‍යාගා එන්. එඩ්වඩ්
ජෝර්ජ් ලෙස්ලි රණසිංහ
දයරත්න රණතුංග

 ගීතය අසා රස විඳින්න

මල් සූටික්කෝ සිංදු කියාපන්

මල් සූටික්කෝ සිංදු කියාපන්
මා දං අත්තක වාඩි වෙලා
පිලේ ඉඳන් ඒ සිංදු අහන්නම්
හිතේ කඳුළු බිඳු නෙතින් හෙලා

අමතක නොමවන මතක සිහින ළඟ
මා හද ඉකි බිඳ හඬන වෙලේ
පිපෙන කුසුම් ගැන සමනලයන් ගැන
එපාගයන්නට සූටික්කෝ

ලොවකට නෑසෙන මගේ ගීතයට
නුඹේ මියුරු හඬ දීපන්නේ
කණාමැදිරියන් වගේ නිවී ගිය
ආදරයක් ගැන ගයපන්නේ

ඉන්ද්‍රානි විජේබණ්ඩාර
?????
?????

 ගීතය අසා රස විඳින්න

සොවින් පිරි මගේ හදවත

සොවින් පිරි මගේ හදවත තුළින් මතු වෙවී පිට වන
හැඟුම් කැටි ගැසී ගෙන දේ සිතට වේදනා
සුවෙන් මා එදා සැතපූ යහන් මත මහත් විස කටු
තිබෙන්නාවු ලෙසට දැනේ ගතට වේදනා

ගතත් වේදනාවෙන් පිරි සිතත් සෝ දුකින් බරවී
දෙනෙත් අඳ නොවී තිබුණත් ඉනුත් නැහැ සුවේ
කණත් බිහිරි වී නැති මුත් අමුත්තක් වෙලා නැහැ කිසි
එහෙත් ඉන් හොඳක් මිහිරක් මෙතෙක් නැහැ ඇසී
මෙතෙක් නැහැ ඇසී
මෙතෙක් නැහැ ඇසී

සොවින් පිරි මගේ හදවත තුළින් මතු වෙවී පිට වන
හැඟුම් කැටි ගැසී ගෙන දේ සිතට වේදනා

දෙ අත් සහ දෙපා කොරවී නැතත් ඉන් ලබන්නට හැකි
කිසිත් සම්පතක් සතුටක් මෙතෙක් නැහැ ලැබී
මිහිරි යන වදන පමණක් අසා ඇති නමුත් ඒ තුළ
ඇහිරිලා තිබෙන අරුතක් මෙතෙක් නැහැ ඇසී
මෙතෙක් නැහැ ඇසී
මෙතෙක් නැහැ ඇසී

සනත් නන්දසිරි
ප්‍රේමනාත් ජයතිලක
සනත් නන්දසිරි

 ගීතය අසා රස විඳින්න

Thursday, August 6, 2009

සූ සැට බරණින් සැරසීලා

සූ සැට බරණින් සැරසීලා
නා කපනා වැහි වැටෙන වෙලේ
විසාකා තොමෝ පැමිණි විලාසෙන්
මට එන්නට බෑ නිසංසලේ

පමා වුණෝතින් මන්දාරම් යකු
පලාපු දර ටික තෙමා දමාවී
පමා වුණෝතින් රත්තියි පැටියයි
ඕවිට අයිනේ තෙමී නහීවී

පමා වුණොත් දොළ දෙගොඩ තලාලා
ඒ දඬු මංකඩ අගුළු දමාවී
එහෙම වුණෝතින් උපුලියි චූටියි
කඳුළු වතුර බී බලා හිදීවී

නීලා වික්‍රමසිංහ
ජයරත්න ගමගේ
වික්ටර් රත්නායක

ගීතය අසා රස විඳින්න

ඉස්සර මං ගිය පාසල ඇරිලා

ඉස්සර මං ගිය පාසල ඇරිලා
පුංචි පැටව් පෙරහැරෙ එනවා
හේවිසි ගහගෙන හූ හඬ දීගෙන
ලන්ද පුරා දුව පැන එනවා
මේ දරු දැරියන් නොදුටුව දෑසින්
එක දරුවෙක් තනි වී එනවා

ගහකොල සෙලැවී ඔහු දෙස බැලුවා
බිම්මල් හිනැහී හිස වැනුවා
ඒ දඬු මංකඩ තිත්ත පැටව් රැල
ඔහුගේ සුවඳට ඉව කෙරුවා
මේ විසිතුරු හැර කොතැනක යන්නද
පුංචි දෙපා එක තැන රැඳුණා

ඉර මල පිපිලා දොඹ ගහ මුදුනේ
නෙළුම් රටාවකි තණ ගොල්ලේ
නීල කොබෙයි රැල පේලි සැදී හිඳ
මුතු ඇහිඳී මදටිය ගාලේ
ගිනි මද්දහනේ කුස ගිනි නොදැනී
තාමත් ඔහු මේ වන නිල්ලේ

පොත් පිටු අතරේ නොරැඳුණු දෑසින්
වන වදුලේ අසිරිය දකිනා
ගම් දරුවන් මැද මේ දරු පැටියා
මගේ නෙතට කඳුලක් නැගුවා
ඔහුට මුවා වී පාසල් යන්නේ
මා දැයි නිකමට මට හිතුනා

සුනිල් එදිරිසිංහ
?????
?????

තොටමුණ බද සිටි රුවන්මලී

තොටමුණ බද සිටි රුවන්මලී
ගඟ බිලිගත් මගෙ රුවන්මලී
ගමට සිටිය එක රුවන්මලී
ගඟට වරෙන් අද රුවන්මලී

ඉර අවරට යන හැන්දෑ යාමේ
දුම්බර කඳු වැටි මුදුන් වලින්
සිහින් වළාවක් සෙමින් නැගීලා
මේ තොටමුණ බද රැඳී සිටී

සුදු ඔසරිය හැඳ වළා රොදින් බැස
රුවන්මලී තොටමුණට ඇදේ
කළය පුරා දිය උකුලෙ තබා ගෙන
හෙමින් හෙමින් පා නගනු පෙනේ

අමරදේව
උදයසිරි පතිරණ
අමරදේව

ගීතය අසා රස විඳින්න

Sunday, August 2, 2009

බෝල බෝල මැටි

බෝල බෝල මැටි එක එක ගේනව
ගුවන් යානයක් වාගේ පියඹා
උළුවස්සේ පොඩි ගෙයක් හදනවා
කා කැන්දන් එන්නද කුඹලෝ

කොයිබට යනවද කොහෙන් ගෙනෙනවද
නිවස තනන්නට මැටි අනලා
පස්සෙන් එන්නද දුවගෙන එන්නද
ඔබගේ තොරතුරු ගැන සොයලා
ගං ඉවුරෙන්ද ගෙනෙන්නේ
කවුරුද උදව් කරන්නේ

කාමර කීයද ගබඩා කීයද
සැලසුම හැදුවෙත් නුඹම තමයි
නෑදෑයන් හට එන්න කියනවද
නැකතක් බැලුවද සිරිත එයයි
පෙම්බර සුවඳ හමන්නේ
සංගීතයකි ඇසෙන්නේ

එම්. එස්. ප්‍රනාන්දු
?????
?????

 ගීතය අසා රස විඳින්න

ඉවාන් පවුලූෂා

දියවෙන්නට පෙර හෙට උදයේ හිම ජීවිතේ
බැලලයිකාවද වයමින් තුටින් යමු මාවතේ

ඉවාන් පවුලූෂා... ඉවාන් පවුලූෂා...

ඇයි හොරැහින් මදෙස බලන්නේ
නැටුමට ඇවිදින් නැතිදෝ මබඳ වෙලන්නේ
දියවෙන්නට පෙර හෙට උදයේ හිම ජීවිතේ
බැලලයිකාවද වයමින් තුටින් යමු මාවතේ
ඉවාන් පවුලූෂා ඉවාන් පවුලූෂා

නැටුමෙන් බිම අස්වද්දා එක රූබලයක් නෙලලා
ඒ සතුටට ගී ගයලා තව සොඳුරු සිහින නොතලා
බැලලයිකාව වගේ මා තුරුලු කරන් ඔය සුරතට
මෂූර්කා නැටුමට අද පමණක් එන්න පවුලූෂා

ඉවාන් පවුලූෂා... ඉවාන් පවුලූෂා...

හිනහ වෙවී අපි නැටුවට පොළවට වෙහෙස දැනෙනවාද
කඳුලැලි දහදිය ගැලුමට මහ කළු ගල් දිය වෙනවාද
එනමුදු ඔබගේ බැල්මට කාගේ හදවත වාවයිද
සිත ගිම් නිවන්න ඔබගේ යස උරහිස දෙනවාද

ඉවාන් පවුලූෂා... ඉවාන් පවුලූෂා...

ඇයි හොරැහින් මදෙස බලන්නේ
නැටුමට ඇවිදින් නැතිදෝ මබඳ වෙලන්නේ
දියවෙන්නට පෙර හෙට උදයේ හිම ජීවිතේ
බැලලයිකාවද වයමින් තුටින් යමු මාවතේ

අප්සරා ද සිල්වා
චාරුක සුරවීර
ප්‍රියන්ත ඩිරෙක්ස්

ගීතය අසා රස විඳින්න

වනන්තරේ මහ රූස්ස ගහ කොළ

වනන්තරේ මහ රූස්ස ගහ කොළ
බිමට සමතලා කර අම්මේ
රාස්සයි වගෙ යන්ත්‍ර සූත්තර
මහ සද්දෙන් යනවා අම්මේ
සිමෙන්ති කළු ගල් ලොරි පිට පටවා
වේල්ල බඳිනා හැටි අම්මේ
බලාන ඉන්නට දවසක නුඹවත්
එක්කරගෙන එන්නං අම්මේ

බින්තැන්නේ මම දහ දුක් විඳලා එදා ගමට ආදා අම්මේ
උඹේ අතින් මගෙ දෑතේ කර ගැට අත ගාලා නාඬන් අම්මේ
මහියංගනයේ හේවිසියේ හඬ හැන්දෑවට ඇහුණම අම්මේ
සිල් අරගෙන උඹ ඉන්නා තාලේ අනේ මතක් වෙනවා අම්මේ

වත්ත පහළ පොල් අතු අහුලන්නට උදෙන්ම යන්න එපා අම්මේ
උදේ රැයින් ඔය පිනි බාලා උඹ ලෙඩා දුකා වෙයි මගෙ අම්මේ
ගිනි මද්දහනේ බැරි බැරි ගානේ ගම්මැද්දේ නොගිහින් අම්මේ
රැයක් නෑර මට හීනෙන් පෙනි පෙනි මං එනතුරු ඉඳහන් අම්මේ

විජය කුමාරතුංග
අජන්තා රණසිංහ
එච්. එම්. ජයවර්ධන

 ගීතය අසා රස විඳින්න