Friday, August 14, 2009

ගමට කලින් හිරු


ගමට කලින් හිරු මුළුතැන්ගෙට වඩනා
ඒ හිරු එළියේ නැණ මල් පොඩි පිපුණා
ඒ මල් සුවඳේ අද ලොව්තුරු සුව විඳිනා
කලා වැවේ නිල් දියවර අපෙ අම්මා

රෑ කළුවර අරගෙන දරුවන් එනතුරු
සිත නෑ නිවන් දකින්නේ
රෑ කළුවර ඇවිදින් ඉකිබිඳ හැඬුවත්
නෙත නෑ නිදි විඳ ගන්නේ
හෙට අරුණට සැරසෙන තව දවසක් ගැන
නින්දේ සිහින දකින්නේ
මහමායාවෙනි කවදාදෝ ඔය නෙත්
දරු සෙනෙහසින් මිදෙන්නේ

වෙල් දෙණි වල ඇවිදින දෙපා රිදෙන විට
විහඟ ගීත බණ පද වේවා
බෝ මළුවක ඇවිලෙන පහන් වැටක් සේ
තුන් සිත නිවී සැදේවා
මතු උපදින සසරේ විසාකාව වී
මෙත් මග නෙත් හමු වේවා
ඇත් රැජිණියනේ ඔබෙ නැලැවිළි ගීතය
ලොවම නිවන කවියක් වේවා

කරුණාරත්න දිවුල්ගනේ
සුනිල් දයානන්ද කෝනාර
සුනිල් දයානන්ද කෝනාර

 ගීතය අසා රස විඳින්න

1 comment:

  1. මේ සිංදුවෙ පුදුම ගතියක් තියෙනව විස්තර කරන්න බැරි. කොච්චර ඇහුවත් එපා වෙන්නෙ නැහැ. ලාංකීය බෞද්ධ සමාජය තුල "අම්මා" කියන භූමිකාව නියමෙට විග්‍රහ කරල තියෙනව.

    ReplyDelete